Sumqayıtda 50 yaşlı kişini avtomobil vurub

Sumqayıt. 11 may. REPORT.AZ/ Sumqayıt şəhərində 50 yaşlı kişini avtomobil vurub.

"Report"un Sumqayıt-Abşeron bürosunun məlumatına görə, hadisə şəhərin 49-cu məhəllə adlanan ərazisində qeydə alınıb.

Belə ki, Sumqayıt şəhər sakini, 1968-ci il təvəllüdlü Abbas Ağayar oğlu Əhmədov yaşadığı ərazidə yolu keçmək istəyərkən naməlum avtomobil tərəfindən vurulub. Yaralı ağır vəziyyətdə xəstəxanaya çatdırılıb.

Faktla bağlı araşdırma aparılır.