Sumqayıtda 38 yaşlı kişinin meyiti tapılıb - YENİLƏNİB

Sumqayıt şəhərində Xəzər bağları yaşayış massivində meyiti tapılan 38 yaşlı kişinin bıçaqlanaraq qətlə yetirildiyi məlum olub. 

“Report”un Sumqayıt-Abşeron bürosunun məlumatına görə, polis əməkdaşları əraziyə baxış keçirib və ölən şəxsin üzərində bir neçə bıçaq zərbəsinin olduğu aşkar edilib. Mərhumun 1981-ci il təvəllüdlü İsmayılov Ramil Çingiz oğlu olduğu müəyyənləşib. Meyit müayinə olunması üçün aidiyyəti üzrə təhvil verilib. Onun meyiti müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Sumqayıt şəhər şöbəsinə yerləşdirilib. 

Faktla bağlı araşdırma aparılır. 

*** 17:59

Sumqayıtda 38 yaşlı kişinin meyiti tapılıb.

“Report”un Sumqayıt-Abşeron bürosunun məlumatına görə, hadisə Xəzər bağlarında qeydə alınıb. 

Belə ki, Xəzər bağlarında meyit tapılması barədə Sumqayıt Şəhər Polis İdarəsinə məlumat daxil olub. 

Hadisə baş verən əraziyə hüquq-mühafizə orqanlarının əməkdaşaları və Təcili Tibbi yardım Stansiyasının həkimləri cəlb olunub.

Faktla bağlı araşdırmalara başlanılıb.