​Sumqayıtda dördmərtəbəli yaşayış binasında yanğın baş verib

Bakı. 17 yanvar. REPORT.AZ/ Sumqayıt şəhərində, dördmərtəbəli yaşayış binasının üçüncü mərtəbəsində 1 otaqlı mənzildə yanğın baş verib.

"Report" Fövqəladə Hallar Nazirliyinə istinadən xəbər verir ki, hadisə nəticəsində evin döşəməsi, 1 ədəd televizor və eyvanın qapısı qismən yanıb.

Yanğın zamanı mənzillərdən 12 nəfər sakin yanğınsöndürənlər tərəfindən təxliyyə edilib. Mənzilin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.