Səhiyyə Nazirliyi: Şirvandakı partlayışda yaralanan 3 nəfərin vəziyyəti orta-ağırdır

Bakı. 26 iyul. REPORT.AZ/ Müdafiə Sənayesi Nazirliyinin "Araz" zavodunda baş vermiş partlayışla əlaqədar indiyədək Şirvan Şəhər Mərkəzi Xəstəxanasına 24 nəfər müraciət edib. 

Bu barədə "Report"a Səhiyyə Nazirliyinin mətbuat xidmətindən bildirilib.  

Məlumata görə, onlardan 14 nəfəri ambulator yardım alaraq evə buraxılıb: "Hazırda xəstəxanada 10 nəfərin müalicəsi davam edir. Bu şəxslərdən 3 nəfərinin vəziyyəti orta-ağır qiymətləndirilir, 7 nəfərin vəziyyəti isə yüngüldür".