Şirvanda avtomobil sərxoş piyadanı vurub

Şirvan şəhərində bir nəfərin xəsarət alması ilə nəticələnən yol-nəqliyyat hadisəsi baş verib.

“Report”un Aran bürosunun məlumatına görə, hadisə şəhərin Heydər Əliyev prospektində qeydə alınıb.

İlkin məlumata görə, Şirvan şəhər sakini, 1967-ci il təvəllüdlü Həşimov İlham İslam oğlu sərxoş vəziyyətdə yolu keçmək istəyən zaman avtomobil onu vurub.

Sürücü piyadanı Şirvan Şəhər Mərkəzi Xəstəxanasına çatdırıb.

Faktla bağlı araşdırma aparılır.