Şəmkir. 11 may. REPORT.AZ/ Şəmkir rayonunda yol qəzası baş verib.
"Report"un Qərb bürosunun məlumatına görə, şəhər ərazisində iki avtomobil toqquşub və onlardan biri idarəetmədən çıxaraq yol kənarındakı qadın piyadanı vurub.
Hadisə nəticəsində avtomobillərdən birinin sürücüsü, 1970-ci il təvəllüdlü Vüqar Məmmədov və piyada, 1956-cı il təvəllüdlü Tamara Sadıqova müxtəlif dərəcəli bədən xəsarətləri ilə xəstəxanaya yerləşdiriliblər. T.Sadıqovanın vəziyyəti pisləşdiyindən onu Gəncədə yerləşən özəl xəstəxanalardan birinə aparıblar.
Faktla bağlı araşdırma aparılır.