Şəmkirdə evdən 5000 manatlıq qızıl əşyalar oğurlanıb

Bakı. 13 sentyabr. REPORT.AZ/ Şəmkir rayonunda evdən 5000 manatlıq qızıl əşyalar oğurlanıb. 

Bu barədə "Report"a Daxili İşlər Nazirliyindən məlumat verilib. 

Belə ki, Baş Mütəşəkkil Cinayətkarlıqla Mübarizə İdarəsi və Şəmkir rayon Polis şöbəsinin əməkdaşlarının keçirdikləri əməliyyat-axtarış tədbirləri nəticəsində sentyabrın 8-də Şəmkir rayonu ərazisindəki evlərin birindən 5000 manat dəyərində qızıl əşyalar oğurlamaqda şübhəli bilinən şəhər sakini Şəhriyar Pənahov saxlanılıb.