Şəmkirdə evdən 3000 manat oğurlayan şəxs saxlanılıb

Şəmkirdə oğurluq etdiyinə görə saxlanılan şəxsin digər cinayətləri də məlum olub.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, oğurluq etdiyinə görə tutulan R.Vəliyevin ətrafında Şəmkir Rayon polis Şöbəsinin əməkdaşları tərəfindən aparılan əməliyyat tədbirləri ilə onun rayon ərazisindəki evlərin birindən 3000 manat dəyərində qızıl-zinət əşyaları və F.İbrahimova məxsus 2 baş inəyi oğurlaması da müəyyən edilib.

Faktla bağlı araşdırma aparılır.