Yuxarı

Şəmkirdə "Daimler Chrysler"lə qəza törədən 17 yaşlı gəncin məhkəməsi başlayıb

​Şəmkirdə "Daimler Chrysler"lə qəza törədən 17 yaşlı gəncin məhkəməsi

Gəncə Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Binnət Qədimovun cinayət işi üzrə məhkəməsi başlayıb.

"Report"un xəbərinə görə, hakim Dadaş İmanovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin baxış iclası mayın 23-nə təyin edilib.

Qeyd edək ki, hadisə ötən ilin dekabr ayının 27-də Bakı-Qazax avtomobil yolunun Şəmkir rayonu ərazisindən keçən hissəsində qeydə alınıb. Şəmkir rayonunun Qədimqala kənd sakini, 17 yaşlı B.Qədimovun idarə etdiyi "Daimler Chrysler" markalı avtomobilin idarəetmədən çıxaraq aşması nəticəsində, sürücünün avtomobildəki həmyaşıdı, İsrafil Etibar oğlu Ələsgərli hadisə yerində ölüb.

Hadisə zamanı habelə sürücü və daha 2 nəfər - Qədimqala kənd sakinləri: 2001-ci il təvəllüdlü Minayə Minaxanova və 2001-ci il təvəllüdlü Göyçək Musazadə müxtəlif bədən xəsarətləri alıb. Hər 3 yaralı xəstəxanaya aparılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi