Şəmkir rayonunda yol-nəqliyyat hadisəsi olub.
"Report"un Qərb Mərkəzinin məlumatına görə, qəza rayonun Qaracəmirli kəndi ərazisində qeydə alınıb.
Belə ki, "VAZ-21015" markalı minik avtomobili hərəkətdə olarkən 6 yaşlı piyada anidən magistral yola çıxıb. Bu zaman avtomobil əvvəlcə 2014-cu il təvəllüdlü Rüstəm Zaur oğlu Paşayevi vurub, daha sonra digər avtomobilə çırpılıb. Qəza nəticəsində piyada aldığı xəsarətlərdən ölüb. Sürücü isə xəsarət alaraq xəstəxanaya yerləşdirilib.
Faktla bağlı araşdırmalara başlanılıb.