Yuxarı

Şəmkirdə avtomobil piyadanı vuraraq hadisə yerindən qaçıb

Naməlum avtomobil Gülarə Namazovanı vurub

Şəmkir. 31 avqust. REPORT.AZ/ Şəmkir rayonunda piyadanın xəsarət alması ilə nəticələnmiş yol qəzası baş verib.

Şəmkir rayon Polis Şöbəsindən “Report”un Qərb bürosuna verilən məlumata görə, avtomobil piyadanı vuraraq hadisə yerindən qaçıb.

Məlumata görə, hadisə gecə saatlarında, Bakı-Qazax yolunun Düyərli kəndinin ərazisindən keçən hissəsində baş verib. Naməlum avtomobil yolu keçmək istəyən kənd sakini, 1940-ci il təvəllüdlü Gülarə Namazovanı vuraraq hadisə yerindən qaçıb.

Ağır xəsarətlər alan piyada Şəmkir rayon Mərkəzi Xəstəxanasına yerləşdirilib.

Faktla bağlı Şəmkir Rayon Polis Şöbəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi