Yuxarı

Şəmkirdə ağır yol qəzası baş verib, ölən və yaralanlar var

Hadisə rayonun Çinarlı qəsəbəsi ərazisində qeydə alınıb

Şəmkir. 13 sentyabr. REPORT.AZ/ Şəmkirdə baş verən ağır yol qəzasında 1 nəfər ölüb, 3 nəfər isə xəsarət alıb.

“Report”un Qərb bürosunun məlumatına görə, hadisə Bakı-Qazax yolunun 395-ci km-də, Şəmkir rayonunun Seyfəli kəndi ərazisində qeydə alınıb.

Gəncə şəhər sakini, 1962-ci il təvəllüdlü Mahir Məmmədovun idarə etdiyi “VAZ-2107” markalı avtomobillə Bakı şəhər sakini Rövşən Məmmədovun idarə etdiyi “Subaru” markalı maşın toqquşub. Nəticədə “VAZ-2107”in sürücüsü M.Məmmədov hadisə yerində ölüb. 

Qəzada xəsarət alan “Subaru”nun sürücüsü və qadın sərnişini, həmçinin “VAZ-2107” markalı avtomobildəki bir sərnişin xəstəxanaya yerləşdirilib. Onlardan R.Məmmədovun vəziyyətinin orta-ağır olduğu bildirilib. Digər yaralıların isə durumu normaldır. 

Qəzanın baş vermə səbəbləri araşdırılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi