Şəki şəhərində piyadanın ağır xəsarət alması ilə nəticələnən yol qəzası baş verib.
"Report"un Şimal-qərb bürosunun məlumatına görə, hadisə bu gün günorta saatlarında şəhərin Salman Mümtaz küçəsində qeydə alınıb.
Belə ki, hərəkətdə olan "VAZ-2107" və "Toyota Camry" markalı avtomobillər toqquşub. Daha sonra idarəetmədən çıxan "Toyota" yolu keçən piyada Şəki sakini, 1971-ci il təvəllüdlü Mahmud Abdullayevi vurub. Başından ağır xəsarət alan 50 yaşlı M.Abdullayev Şəki Rayon Mərkəzi Xəstəxanasına yerləşdirilib.
Faktla bağlı araşdırma aparılır.