​Şəkidə qadını it dişləyib - FOTO

Bakı. 10 may. REPORT.AZ / Şəkidə 51 yaşlı qadını it dişləyib. "Report" xəbər verir ki, hadisə rayonun Göybulaq kəndində baş verib.

Şəki Rayon Mərkəzi Xəstəxanasından verilən məlumata görə,1965-ci il təvəllüdlü Göyçək Şahmərdan qızı Mahmudova hər iki qolunun bilək nahiyəsinin it dişləməsi xəsarətləri ilə xəstəxanaya daxil olub.

Məlumata görə, kənd sakininə ailə üzvlərinin həyətyanı sahədə saxladığı it hücum edib. Göyçək Mahmudovaya xəstəxanada lazımi tibbi yardım göstərilib. O, quduzluq əleyhinə peyvənd edildikdən sonra evə buraxılıb.

Quduzlaşmış it qadının yaxınları tərəfindən öldürülüb.