Yuxarı

Şəkidə minik maşını traktorla toqquşub, bir ailənin üç üzvü xəsarət alıb - YENİLƏNİB

Faktla bağlı araşdırma aparılır.

Şəki. 30 noyabr. REPORT.AZ/ Şəki rayonunda baş verən ağır yol-nəqliyyat hjadisəsi zamanı xəsarət alan şəxslərin adı məlum olub.

"Report"un yerli bürosu xəbər verir ki, Göyçay rayon sakini, 1950-ci il təvəllüdlü Arif Rüstəm oğlu Rüstəmovun idarə etdiyi “VAZ-21015” markalı minik avtomobil Şəki rayon sakininin idarə etdiyi traktorla toqquşub. Nəticədə minik maşınının sürücüsü Arif Rüstəmov, onun həyat yoldaşı, 1950-ci il təvəllüdlü Solmaz Soltanəhməd qızı Rüstəmova və oğlu, 1994-cü il təvəllüdlü Rüstəm Arif oğlu Rüstəmov müxtəlif dərəcəli bədən xəsarətləri ilə Şəki Rayon Mərkəzi Xəstəxanasına çatdırılıblar. 


*** 16:58

Şəki. 30 noyabr. REPORT.AZ/ Şəki rayonunda yol qəzası baş verib. 

“Report”un Şəki-Zaqatala bürosunun məlumatına görə, hadisə Yevlax-Zaqatala-Gürcüstan sərhədi avtomobil yolunun rayon ərazisindən keçən hissəsində qeydə alınıb. Hadisə yerinə hüquq-mühafizə orqanlarının əməkdaşları və Təcili Tİbbi Yardım Stansiyasının həkim briqadası cəlb olunub. Yaralılar təcili yardım maşınları ilə Şəki Rayon Mərkəzi Xəstəxanasına yerləşdirilib. 

Faktla bağlı araşdırma aparılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi