Yuxarı

Şəkidə avtomobilin qarşısını kəsən naməlum şəxs sürücunü bıçaqlayıb

Şəkidə avtomobilin qarşısını kəsən naməlum şəxs sürücunü bıçaqlayıb
Yaralanan sürücü idarəetməni itirib və avtomobili maneəyə çırpıb

Şəki. 16 sentyabr. REPORT.AZ/ Şəkidə bıçaqlanma hadisəsi qeydə alınıb.

"Report"un Şimal-qərb bürosunun məlumatına görə, 1981-ci il təvəllüdlü şəhər sakini Etibar Rəhim oğlu Abdurəhmanov "90-MC-583" dövlət qeydiyyat nişanlı "Opel" markalı avtomobil ilə hərəkətdə olarkən, anidən qarşısını naməlum şəxs kəsərək onu bıçaqlayıb.

Yaralanan sürücü idarəetməni itirib və avtomobili maneəyə çırpıb. Hadisəni törədən şəxs ərazidən uzaqlaşıb.

Yaralı sürücü "təcili yardım" maşını ilə dərhal Şəki Rayon Mərkəzi Xəstəxanasına çatdırılıb, ona sağ qolun üçdə birinin kəsilmiş yarası diaqnozu qoyulub.

Hazırda polis hadisəni törədən şəxsin axtarışlarını davam etdirir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi