Yuxarı

Şəkidə 33 yaşlı qadını ilan sancıb

Azərbaycanın şimal-qərb bölgəsində 30-a yaxın ilansancma hadisəsi baş verib

Bakı. 30 iyul. REPORT.AZ/ Şəkidə ilansancma hadisəsi qeydə alınıb. “Report”un xəbərinə görə, Şəki rayonunun Şəki kənd sakini, 1982-ci il təvəllüdlü Əsgərova Zeynəb Tapdıq qızı həyətyanı sahədə gəzərkən ilan onun sol ayağının baldır nahiyəsindən sancıb.

Z.Əsgərova dərhal Şəki rayon Mərkəzi Xəstəxanasına çatdırılıb və Reanimasiya şöbəsinə yerləşdirilib. Xəstənin vəziyyəti orta-ağırdır.

Qeyd edək ki, son iki ayda Azərbaycanın şimal-qərb bölgəsində 30-a yaxın ilansancma hadisəsi baş verib. Nəticədə iki nəfər dünyasını dəyişib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi