Yuxarı
    Bağlamaq

    Səfər Əbiyevin müavininin məhkəməsi gələn il davam etdiriləcək

    İki şahid prosesə gəlməyib

    Bakı. 25 dekabr. REPORT.AZ/ Bu gün Bakı Ağır Cinayətlər Məhkəməsində mənimsəmə və vəzifə səlahiyyətlərindən sui-istifadə etmədə təqsirləndirilən Azərbaycan müdafiə nazirinin keçmiş müavini polkovnik Mehman Səlimovun cinayət işi üzrə növbəti məhkəmə prosesi təxirə salınıb.

    "Report"un məlumatına görə, hakim Zeynal Ağayevin sədrliyi ilə keçirilən iclasın təxirə salınmasına səbəb iki şahidin məhkəməyə gəlməməsi olub.

    Məhkəmənin növbəti iclası 2016-cı ilin yanvar ayının 8-nə təyin edilib.

    Qeyd edək ki, M.Səlimov Cinayət Məcəlləsinin 179.3.2-ci (mənimsəmə - külli miqdarda törədildikdə) və 308.2-ci (vəzifə səlahiyyətlərindən sui-istifadə etmə) maddələri ilə ittiham olunur. M.Səlimov 1995-1999-cu illərdə Azərbaycan müdafiə naziri Səfər Əbiyevin siyasi və ictimai işlər üzrə müavini olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi