Samux rayonunda baş verən ağır yol-nəqliyyat hadisəsi zamanı ölən şəxsin adı məlum olub.
"Report"un Qərb Mərkəzinin məlumatına görə, ölən şəxs - Samux rayon sakini, 1992-ci il təvəllüdlü Hasil Hüseynovdur. Onun meyiti deformasiyaya uğrayan avtomobildən çıxarmaq üçün hadisə yerinə Fövqəladə Hallar Nazirliyinin əməkdaşları cəlb olunub. Meyit müayinə olunması üçün Səhiyyə Nazirliyi Məhkəmə-Tibbi Ekspertiza və Pataloji Anatomiya Birliyinin Gəncə şəhər şöbəsinə aparılıb.
*** 9:23
Samux rayonunda ölümlə nəticələnən avtomobil qəzası baş verib.
"Report"un Qərb Mərkəzinin məlumatına görə, hadisə rayonun Qırmızı Samux kənd ərazisində qeydə alınıb.
Belə ki, "VAZ-21011" markalı avtomobillə TIR toqquşub. Nəticədə minik avtomobili deformasiyaya uğrayıb və sürücü aldığı xəsarətlərdən hadisə yerində öldüyü bildirilir.
Faktla bağlı araşdırma aparılır.