Yuxarı

Samuxda gözətçini güllələyən şəxsin cinayət işi məhkəməyə göndərilib

Samuxda gözətçini güllələyən şəxsin cinayət işi məhkəməyə göndərilib
Cinayət işi hakim Faiq Mahmudovun icraatına verilib

Bakı. 13 dekabr. REPORT.AZ/ Samux rayonunda qəsdən adam öldürməyə cəhd etməkdə təqsirləndirilən Adil Behbudovun cinayət işi üzrə ibtidai istintaq başa çatıb.

"Report"un xəbərinə görə, cinayət işi baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Faiq Mahmudovun icraatına verilib.

Məhkəmənin vaxtı hələlik açıqlanmayıb.

Qeyd edək ki, hadisə bu il mayın 15-də Samux rayonunun Qarabağlar kəndi ərazisində baş verib. Həmin ərazidə kənd sakinlərinə məxsus əkin sahəsində artezian quyusuna nəzarət edən Elsevər Qurbanovun olduğu gözətçi otağına gələn Adil Beybudov ov tüfəngindən bir neçə dəfə otaq istiqamətində atəş açıb. Qırmalardan biri E.Qurbanovla birgə otaqda olan Çobanabdallı kənd sakini, əvvəllər məhkum olunmuş Elsevər Kazımovun boyun nahiyəsinə dəydiyindən o, xəstəxanaya yerləşdirilib.

Faktla bağlı rayon prokurorluğu tərəfindən Cinayət Məcəlləsinin 29.120-ci (Qəsdən adam öldürməyə cəhd) maddəsi ilə cinayət işi başlanılıb.

Keçirilmiş əməliyyat-axtarış tədbirləri nəticəsində A.Behbudov saxlanılaraq istintaqa təhvil verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi