Samuxda ev yanıb, yaşlı qadın tüstüdən zəhərlənib

Samux. 25 fevral. REPORT.AZ/ Samux rayonunda 1 nəfərin tüstüdən zəhərlənməsi ilə nəticələnən yanğın baş verib.

"Report"un Qərb bürosunun məlumatına görə, rayonun Alabaşlı qəsəbəsində fərdi yaşayış evində baş vermiş yanğın zamanı, 1965-ci il təvəllüdlü Laləzər Məhərrəm qızı Hüseynova tüstüdən zəhərlənib.

Xəstəxanaya aparılan qadının vəziyyətinin ağır olduğu bildirilir.

Faktla bağlı araşdırma aparılır.