Şamaxı. 12 fevral. REPORT.AZ/ Şamaxı rayonunda məktəb binasında yanğın olub.
“Report”un Şirvan bürosunun xəbərinə görə, hadisə rayonun Şəhriyar qəsəbəsində yerləşən idman məktəbində baş verib.
Dərhal əraziyə FHN-in Şamaxı Dövlət Yanğından Mühafizə hissəsinin texnikası və canlı qüvvəsi cəlb olub. Qısa vaxt ərzində yanğının qarşısı alınaraq, ətraf ərazilərə keçməsinə yol verilməyib.
Faktla bağlı araşdırma aparılır.