Şamaxıda bir nəfər süni göldə boğularaq ölüb

Bakı. 15 avqust. REPORT.AZ/ Şamaxı rayonunda bir nəfər süni göldə boğularaq ölüb. 

"Report" xəbər verir ki, məlumatı Fövqəladə Hallar Nazirliyi yayıb. 

Nazirliyin Böhran Vəziyyətlərində İdarəetmə Mərkəzinə daxil olan məlumata əsasən, Şamaxı şəhərində süni göldə 1981-ci il təvəllüdlü Əliyev Ramin Əlirza oğlu batıb. Hadisə ən yaxınlıqdakı xilasetmə məntəqəsindən 200 km aralı, nəzarətsiz ərazidə baş verib: "Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub və axtarışlara başlanılıb. Ramin Əliyevin cəsədi batdığı yerdə tapılaraq sudan çıxarılıb və aidiyyəti üzrə təhvil verilib".