Şamaxıda avtomobili aşıran sürücü xəstəxanada ölüb

Bakı. 26 may. REPORT.AZ/ Şamaxıda avtomobili aşıran sürücü xəstəxanada ölüb. "Report" xəbər verir ki, bu barədə Daxili İşlər Nazirliyinin rəsmi saytı məlumat yayıb.

Məlumata görə, mayın 25-də saat 22 radələrində Şamaxı rayonunun Göylər kəndində Şirvan şəhər sakini Müşfiq Həsənov idarə etdiyi “Mercedes” markalı avtomobili aşırıb. Nəticədə sürücü və 1 sərnişini xəstəxanaya yerləşdirilib, M.Həsənov orada dünyasını dəyişib.

Faktla bağlı Şamaxı Rayon Polis Şöbəsi araşdırma aparır.