Yuxarı

Şamaxıda avtomobil qəzası baş verib

Hadisəyə havanın yağmurlu olması və yüksək sürət səbəb olub

Bakı. 10 may. REPORT.AZ/ Şamaxıda bir neçə nəfərin xəsarət alması ilə nəticələnmiş avtomobil qəzası baş verib. "Report"un xəbərinə görə, minik avtomobilinin sürücüsü, Qobustan rayon Təklə-Mirzəbaba kənd sakini, 30 yaşlı Hidayət Əmiralıyevin idarətməni itirməsi nəticəsində onun avtomobili yolun kənarında dayanmış yük maşınına çırpılıb.

Nəticədə avtomobildə olan sərnişin - Sumqayıt şəhər Hacı Zeynalabdin qəsəbə sakini, 34 yaşlı Ramin Əsgərov hadisə yerində dünyasını dəyişib. Avtomobildə olan digər sərnişinlər Qobustan rayonu, Təklə-Mirzəbaba kəndinin sakinləri ağır bədən xəsarətləri ilə Şamaxı rayon Mərkəzi Xəstəxanasının Cərrahiyyə şöbəsinə yerləşdiriliblər.

Hər iki yaralının vəziyyəti ağırdır. İlkin məlumatlara görə hadisəyə havanın yağmurlu olması və yüksək sürət səbəb olub.

Faktla əlaqədar Baş Dövlət Yol Polisi İdarəsi tərəfndən araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi