Şamaxıda 25 yaşlı gənc tutdan zəhərlənib

Şamaxı rayonunda zəhərlənmə hadisəsi olub.

"Report"un Yuxarı Şirvan bürosu xəbər verir ki, rayon sakini, 25 yaşlı Fəzail Şıxəli oğlu Binyətov öz həyətində tut yeyərkən zəhərlənib.

O, Şamaxı Rayon Mərkəzi Xəstəxanasına yerləşdirilib və həkimlərin müdaxiləsindən sonra vəziyyəti normallaşıb. Hazırda xəstə həkim nəzarəti altında saxlanılır. 

Faktla bağlı araşdırma aparılır.