Yuxarı
    Bağlamaq

    ​Salyanda yeznə qayınatasını bıçaqlayıb, qayınanasına xəsarət yetirib

    Yaralılar Salyan Rayon Mərkəzi Xəstəxanasına çatdırılıb

    Bakı. 22 sentyabr. REPORT.AZ/ Bu gün axşam saatlarında Salyanda yeznə qayınatasını bıçaqlayıb, qayınanasına isə xəsarət yetirib. "Report" xəbər verir ki, hadisə rayonun Həsənli kəndində qeydə alınıb.

    Belə ki, həmin kəndin sakini Vaqif Sahib oğlu Cəfərov qeyri-rəsmi nikahda olduğu arvadını bir müddət bundan öncə döyərək ona ağır xəsarətlər yetirib. Bununla bağlı polisə şikayət olunub.

    Polisə şikayət edildiyi üçün Vaqif Cəfərov qayınatasıgilə gələrək mübahisə edib. Sonra o, qayınatası, 1952-ci il təvəllüdlü Tahir Gülməmməd oğlu Adıgözəlova üzərində gəzdirdiyi bıçaqla zərbə endirib, qayınanasına isə həyətdəki bellə xəsarət yetirib. Yaralılar Salyan Rayon Mərkəzi Xəstəxanasına çatdırılıb.

    Faktla bağlı Salyan Rayon Polis Şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi