Yuxarı

​Salyanda qadın vəkilin evinə basqın olub, bir nəfər yaralanıb

Hazırda maskalı şəxslərin ələ keçirilməsi istiqamətində əməliyyat aparılır

Bakı. 14 noyabr. REPORT.AZ/ Salyanda maskalı şəxslər oğurluq məqsədi ilə evlərdən birinə basqın ediblər.

"Report" xəbər verir ki, hadisə gecə saatlarında rayonun Arbatan kəndində qeydə alınıb.

Naməlum şəxslər kənd sakini, Salyanda vəkil kimi fəaliyyət göstərən Sevda Sultanovanın evinə soxulublar. Ev sahiblərinin bundan xəbər tutduqlarını görən naməlum şəxslər, burada qonaq olan Lerik rayonunun Bürsülüm kənd sakini, 1993-cü il təvəllüdlü Rabil Ağadadaş oğlu Ağayevə baş və gicgah nahiyəsindən xəsarət yetirərək hadisə yerindən qaçıblar.

Yaralı Salyan Rayon Mərkəzi Xəstəxanasında ilk tibbi yardım aldıqdan sonra ambulator müalicəyə buraxılıb.

Hazırda Salyan rayon Polis şöbəsində maskalıların şəxsiyyətinin müəyyən edilməsi və ələ keçirilməsi istiqamətində əməliyyat-axtarış tədbirləri həyata keçirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi