Salyan. 16 fevral. REPORT.AZ/ Salyan rayonunda yol qəzası nəticəsində 1 nəfər İran vətəndaşı xəsarət alıb.
“Report”un Aran bürosu xəbər verir ki, hadisə Ələt-Astara magistralının rayonun Kürsəngi kəndi ərazisindən keçən hissəsində qeydə alınıb.
İki TIR yük maşınının toqquşması nəticəsində müxtəlif dərəcəli bədən xəsarətləri alan İran vətəndaşı, 1992-ci il təvəllüdlü Yahiti Rəhmət Əbdülhəkim oğlu Salyan Rayon Mərkəzi Xəstəxanasına çatdırılıb.
Faktla bağlı araşdırma aparılır.