Yuxarı

​Salyanda 26 yaşlı gənc bıçaqlanıb

Zərərçəkən qarnının ön divar hissəsinin kəsilmiş-deşilmiş yaraları ilə xəstəxanaya yerləşdirilib

Bakı. 17 noyabr. REPORT.AZ/ Salyanda bıçaqlanma hadisəsi baş verib.

"Report" xəbər verir ki, hadisə şəhərin Aslan Hüseynov küçəsində qeydə alınıb.

Həmin küçədə 23 saylı ünvanda yaşayan, 1989-cu il təvəllüdlü Şamil Heydər oğlu Mehdiyev mübahisə zəminində naməlum şəxs tərəfindən bıçaqlanıb.

Zərərçəkən yaxınları tərəfindən qarnının ön divar hissəsinin kəsilmiş-deşilmiş yaraları ilə Salyan Rayon Mərkəzi Xəstəxanasına çatdırılıb. Yaralı Cərrahiyyə şöbəsinə qaldırılaraq əməliyyat olunub.

Xəstəxanadan verilən məlumata görə, yaralının vəziyyəti orta ağır olaraq qalır.

Hazırda Salyan rayon Polis şöbəsində cinayəti törədən şəxsin kimliyinin müəyyən edilərək saxlanılması istiqamətində əməliyyat tədbirləri həyata keçirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi