Sahibkarlığa Kömək Milli Fondu ​“Kredo Bank”ı məhkəməyə verib

Bakı. 28 dekabr. REPORT.AZ/ İqtisadiyyat və Sənaye Nazirliyinin Sahibkarlığa Kömək Milli Fondu (SKMF) “Kredo Bank” Açıq Səhmdar Cəmiyyətini (ASC) məhkəməyə verib.

“Report”un məlumatına görə, SKMF borcun tutulması barədə tələb irəli sürüb.

1 saylı Bakı İnzibati-İqtisadi Məhkəməsi iddianı təmin edib.

Qərardan narazı qalan “Kredo Bank” apellyasiya şikayəti verib. İşə Bakı Apellyasiya Məhkəməsində baxılır.

İddia olunan borcun məbləği açıqlanmayıb.