Yuxarı
    Bağlamaq

    Şabranda mağazaya basqın edən şəxslər saxlanılıb - FOTO

    Faktla bağlı araşdırma aparılır

    Şabran. 23 dekabr. REPORT.AZ/ Şabran rayonunda mağazaya basqın edən şəxslər saxlanılıb. 

    "Report"un Şimal bürosu xəbər verir ki, onlar noyabrın 27-dən 28-ə keçən gecə Şabran şəhər sakini Kamran Əmrahova məxsus "Market 777" adlanan ərzaq mağazasından gizli yolla 484 manat pul oğurlayıblar.

    Aparılan araşdırmalar nəticəsində Şabran şəhər sakinləri - 23 yaşlı Elçin Abdullayev və 26 yaşlı Fərman İsbatovun mağazaya gecə vaxtı obyektin şüşəsini sındıraraq daxil olduqları müəyyənləşib. Hər iki şəxs törətdiyi əməli etiraf edib. E.Abdullayev və F.İsbatov maddi imkansızlıqdan bu yola əl atdıqlarını bildiriblər.

    Faktla bağlı Şabran Rayon Polis Şöbəsinin İstintaq bölməsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi