Şabranda avtomobil 15 yaşlı qızı vurub

Şabran rayonunda yeniyetmənin xəsarət alması ilə nəticələnən yol-nəqliyyat hadisəsi baş verib.

"Report"un Şimal bürosunun verdiyi məlumata görə, hadisə Ağalıq kəndində baş verib.

Kənd sakini, 2004-cü il təvəllüdlü Fidan Eldəniz qızı Şükürlü Mühiddin Əsəd oğlu Əfrailov tərəfindən idarə edilən avtomobil tərəfindən vurulub.

Yaralı ərazi baxımından yaxın olan Xaçmaz Rayon Mərkəzi Xəstəxanasına çatdırılıb və Travmatologiya şöbəsinə yerləşdirilib. 

Ona qapalı kəllə-beyin travması, baş-beynin silkələnməsi, travmatik şok və ətrafların müxtəlif sınıqları diaqnozları qoyulub.

Qeyd edək ki, F.Şükürlü Şabran rayon İcra Hakimiyyətinin Memarlıq Şöbəsinin müdiri Eldəniz Tahir oğlu Şükürovun qızıdır.

Faktla bağlı araşdırma aparılır.