Şabran. 8 sentyabr. REPORT.AZ/ Şabran şəhərində dəm qazından zəhərlənmə hadisəsi baş verib.
"Report"un Şimal bürosu xəbər verir ki, hadisə bu gün qeydə alınıb.
Belə ki, Şabran şəhəri Tofiq İsmayılov küçəsində yaşayan 2000-ci il təvəllüdlü Qəhrəmanova Xoşqədəm Elxan qızının saat 6:20 radələrində Şabran Şəhər Mərkəzi Xəstəxanasına gətirilib.
O, ilkin tibbi yardım göstərildikdən sonra reanimasiyaya yerləşdirilib.
16 yaşlı Xoşqədəm Qəhrəmanovanın hamamda çimərkən dəm qazından boğulduğu bildirilir.
Həkimlər onun vəziyyətini kafi qiymətləndirir.