Yuxarı

​Şabran və Tərtər rayonlarında yanğın hadisələri baş verib

Yanğınlar nəticəsində vətəndaşlara maddi ziyan dəyib

Bakı. 21 may. REPORT.AZ/ Ötən gün axşam və bu gecə Şabran və Tərtər rayonlarında yanğın hadisələri qeydə alınıb.

"Report" Fövqəladə Hallar Nazirliyinə (FHN) istinadən xəbər verir ki, Tərtərin Sarıcalı kəndində vətəndaşa məxsus birmərtəbəli 2 otaqlı evin yanar konstruksiyaları yanıb.

Yaxınlıqdakı qonşu evlər yanğından mühafizə olunub.

Digər hadisə Şabran rayonunun Ağalıq kəndində baş verib. Burada yerli sakinə məxsus tövlə yanıb. Yaxınlıqdakı ev yanğından mühafizə olunub.

Hər iki halda yanğınlar FHN əməkdaşları tərəfindən söndürülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi