Sabiradda yol qəzası olub, xəsarət alan var

Sabirabadda xəsarətlə nəticələnən yol-nəqliyyat hadisəsi baş verib.

“Report”un Aran bürosunun məlumatına görə, hadisə rayonun H.Əliyev prospektində qeydə alınıb. Belə ki, iki avtomobilin toqquşması nəticəsində Sabirabad şəhər sakini, 1959-cu il təvəllüdlü Şirəlizadə Asif Teymur oğlu müxtəlif dərəcəli xəsarətlər alıb.

O, Sabirabad Rayon Mərkəzi Xəstəxanasına yerləşdirilib.

Faktla bağlı araşdırma aparılır.