Bakı. 15 may. REPORT.AZ/ Sabirabad rayonunda yol-nəqliyyat hadisəsi zamanı xəsarət alan piyada xəstəxanada ölüb.
"Report" xəbər verir ki, hadisə mayın 5-də rayonun Ulacalı kəndi ərazisində baş verib.
Belə ki, həmin kəndin sakini Səməndər Alışov idarə etdiyi "VAZ-21214" markalı avtomobillə yolu keçən həmkəndlisi Səid Hüseynovu vurub. Xəstəxanaya yerləşdirilən S.Hüseynov orada ölüb.
Faktla bağlı araşdırma aparılır.