Yuxarı

Sabirabadda avtomobil atı vurub, sürücü və çapar xəsarət alıb - FOTO

Sabirabadda avtomobil atı vurub, sürücü və çapar xəsarət alıb - FOTO
© Report

Sabirabad. 15 avqust. REPORT.AZ/ Sabirabad rayonunda avtomobil atı vurub.

“Report”un Mil-Muğan bürosunun məlumatına görə, qəza bu gün axşam saatlarında Hacıqabul-Bəhrəmtəpə avtomobil yolunun Sabirabad rayonunun Qaragüney kəndi ərazisindən keçən hissəsində qeydə alınıb. 

Belə ki, Rusiya qeydiyyatında olan “Hyundai” markalı Р 640 УН 72 dövlət nömrə nişanlı mikroavtobus atı vurub. Nəticədə atın üstündə olan Qaragüney kənd sakini, 2001-ci il təvəllüdlü Mirzağa Əbülfət oğlu İsrafilov xəsarət alaraq Şirvan Şəhər Mərkəzi Xəstəxanasına yerləşdirilib. Yüngül xəsarət alan Rusiya vətəndaşı olan sürücüyə hadisə yerində yardım göstərilib.

Faktla bağlı araşdırma aparılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi