Saatlıda avtomobil traktorla toqquşub, xəsarət alanlar var

Saatlı rayonunda baş verən yol qəzasında iki nəfər xəsarət alıb.

"Report"un Aran bürosu xəbər verir ki, hadisə Nərimankənd kəndində qeydə alınıb.

"VAZ-21011" markalı avtomobil qarşıda gedən traktorun qoşqusuna çırpılıb. Qəza nəticəsində minik avtomobilində olan iki nəfər xəsarət alıb. Yaralılar Saatlı Rayon Mərkəzi Xəstəxanasına çatdırılıb.

Faktla bağlı araşdırma aparılır.