Yuxarı

​Rusiyaya döyüş sursatı keçirmək istəyən Azərbaycan vətəndaşı saxlanılıb

Saxlanılan şəxs Dağıstana qanunsuz olaraq ov tüfəngi patronları keçirmək istəyib

Bakı. 1 fevral. REPORT.AZ/Dağıstan Respublikasının Məhərrəmkənd rayonu ərazisində yerləşən dövlət sərhədində gömrükçülər qanunsuz olaraq Rusiyaya ov tüfəngi patronları keçirmək istəyən Azərbaycan vətəndaşını saxlayıblar.

"Report" "AiF-Daqestan"a istinadən xəbər verir ki, bu barədə Dağıstan Gömrük Xidmətinin mətbuat xidmətinin məlumatında bildirilir.

Məlumata görə, Azərbaycandan gələn kişinin əl baqajına baxış zamanı 50 ədəd 410 kalibrli patron aşkar edilib.

"Mal barədə gömrük orqanlarına məlumat verilməyib, bununla əlaqədar patronlar müsadirə edilib və ekspertizaya göndərilib. İnzibati cinayət işinin açılması barədə qərar qəbul olunacaq", – deyə idarədən bildirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi