Rusiyada təyyarə qəzaya uğrayıb, pilot və bütün sərnişinlər həlak olublar - VİDEO

Bakı. 6 fevral. REPORT.AZ/ Rusiyanın Orenburq vilayətində An-2 markalı təyyarə qəzaya uğrayıb. "Report" Ria Nostiyə istinadən xəbər verir ki, qəza zamanı təyyarənin pilotu və bütün sərnişinləri həlak olublar.

Orenburq vilayətinin rəsmiləri qəza nəticəsində azı üç nəfərin həlak olduğunu bildiriblər.

İlkin ehtimala görə, qəzanın səbəbi texniki nasazlıq olub. Faktla bağlı araşdırma aparılır.