​Rusiyada miqrasiya qanunvericiliyini pozan 17 Azərbaycan vətəndaşı saxlanılıb

​Rusiyada miqrasiya qanunvericiliyini pozan 17 Azərbaycan vətəndaşı saxlanılıb Saxlanılan şəxslər məsuliyyətə cəlb olunacaqlar
Hadisə
113
22 Noyabr , 2014 22:46
​Rusiyada miqrasiya qanunvericiliyini pozan 17 Azərbaycan vətəndaşı saxlanılıb

Bakı. 22 noyabr. REPORT.AZ/ Rusiyanın Rostov vilayətinin Aksay şəhər Miqrasiya Xidməti və polis əməkdaşlarının yerli bazarda apardığı reyd zamanı ölkə qanunvericiliyinin tələblərini pozmuş 17 azərbaycanlı saxlanılıb.

"Report" xəbər verir ki, bu barədə Federal Miqrasiya Xidmətinin vilayət üzrə İdarəsinin məlumatında bildirilir.

Azərbaycan vətəndaşları Rusiya ərazisində qanunsuz yaşayıblar.

"İşəgötürən barəsində Rusiya Federasiyası İnzibati Xətalar Məcəlləsinin 18.15-ci maddəsi üzrə inzibati hüquq pozuntusuna dair iş açılıb, araşdırma aparılır. Saxlanılan şəxslər İnzibati Xətalar Məcəlləsinin 18.8 və 18.10-cu maddələri üzrə məsuliyyətə cəlb olunacaqlar", - deyə məlumatda bildirilir.

Bu maddələr çərçivəsində işəgötürən barədə bir milyon rubla qədər cərimə, əcnəbi vətəndaşlar üçün isə az həcmdə cərimə və ölkədən çıxarılma şəklində cəza növü nəzərdə tutulub.

Son xəbərlər

Orphus sistemi