Yuxarı
    Bağlamaq

    ​Rusiyada iki nəfəri güllələyərək öldürməkdə şübhəli bilinən azərbaycanlı saxlanılıb

    Silahlı insident 2011-ci ildə baş verib

    Bakı. 27 dekabr. REPORT.AZ/ Rusiyanın Smolensk vilayətində 2011-ci ildə Moskvada iki nəfəri qətlə yetirməkdə şübhəli bilinən azərbaycanlı saxlanılıb.

    "Report" "İnterfax"a istinadən xəbər verir ki, bu barədə hüquq-mühafizə orqanlarındakı mənbə məlumat verib.

    Şübhəli şəxs polis əməkdaşları tərəfindən dekabrın 26-da Rudnya şəhərinin dəmir yolu stansiyasında saxlanılıb.

    Mənbənin məlumatına görə, hazırda 29 yaşlı gənc həbs olunub.

    İstintaqın fərziyyəsinə görə, saxlanılan şəxs 6 oktyabr 2011-ci il tarixində Varşava şosesində yerləşən "Moskva" kafesində üç tanışını odlu silah ilə güllələyib. Onların hamısı yaralanıb, sonradan ikisi xəstəxanada keçinib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi