Rusiyada azərbaycanlı qardaş və bacı itkin düşüb

Bakı. 7 sentyabr. REPORT.AZ/ Rusiya Federasiyasının Novosibirsk vilayətində azərbaycanlı qardaş və bacı itkin düşüb. 

"Report"un əldə etdiyi məlumata görə, əslən Azərbaycanın Kürdəmir rayonundan olan 14 yaşlı Həsənov Ruslan Vidadi oğlu və 16 yaşlı Həsənova Xəyalə Vidadi qızı yaşadıqları Jeleznodarojnıy rayonunun ətrafında həmyaşıdları ilə kollektiv gəzinti zamanı yoxa çıxıblar. 

Bacı-qardaş yaxınlıqdakı kafeyə getmək adı ilə kollektivdən ayrılıblar və yoxa çıxıblar. 

Onların üzərindəki mobil telefonla həmin gün axşamdan əlaqə yaratmaq mümkün deyil. 

Azərbaycanlı yeniyetmələrin valideynləri ailəvi bizneslə məşğuldurlar.