Yuxarı
    Bağlamaq

    Rusiyada azərbaycanlı qadın qısqanclıq zəminində uşaq öldürməkdə ittiham olunur

    İstintaq məlumatlarına görə, qadının uşağı oğurlaması və öldürməsinə səbəb onun ərindən uşaq dünyaya gətirən qadını qısqanması olub

    Bakı. 14 iyul. REPORT.AZ/ Rusiyanın İvanovo vilayətində azyaşlı uşağın qaçırılması və öldürülməsi faktı ilə bağlı cinayət işi üzrə azərbaycanlı qadına qarşı ittiham iddianaməsi təsdiq edilib.

    "Report" Rusiya KİV-inə istinadən xəbər verir ki, İvanovo vilayətinin sakini, 1991-ci il təvəllüdlü azərbaycanlı qadın köməksiz vəziyyətdə olan uşağın qətli maddəsi ilə cinayət törətməkdə ittiham olunur.

    İstintaq məlumatlarına görə, qadın 2016-cı il sentyabrın 2-də uşağın çoxmənzilli yaşayış binasının qabağında nəzarətsiz qalmasını gözləyərək, onu uşaq arabasından oğurlayıb.

    Xarinka çayında axtarışlar nəticəsində qız uşağının cəsədi tapılıb.

    İstintaq hesab edir ki, qadının uşağı oğurlaması və öldürməsinə səbəb onun ərindən bu uşağı dünyaya gətirən qadını qısqanması olub.

    Müttəhim uzun müddət cinayəti törətdiyini etiraf etməyib. Yalnız sübutların açıq-aydın olduğunu gördükdən sonra təqsirini boynuna alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi