Yuxarı
    Bağlamaq

    Rusiyada azərbaycanlı hamilə qadının ölümü ilə bağlı cinayət işi açılıb

    Həkimlər xəstənin ölümü ilə nəticələnən peşəkar vəzifələrinin düzgün yerinə yetirilməməsində şübhəli bilinir

    Bakı. 31 yanvar. REPORT.AZ/ Rusiyada Azərbaycandan olan hamilə qadın Şuaynat Məmmədovanın Blaqoveşensk doğum evində ölümü ilə bağlı cinayət işi açılıb.

    "Report" yerli KİV-ə istinadən xəbər verir ki, həkimlər xəstənin ölümü ilə nəticələnən peşəkar vəzifələrinin düzgün yerinə yetirilməməsində şübhəli bilinir. Bu maddə üzrə maksimum sanksiya 3 ilə qədər azadlıqdan məhrumetmə cəzasıdır.

    Xatırladaq ki, 23 yaşlı hamilə Şuaynat Məmmədova ötən il dekabrın əvvəllərində Blaqoveşensk doğum evində ölüb. Qadın hamiləliyinin 8,5 ayında qanaxma ilə xəstəxanaya müraciət edib. O, təcili olaraq qeysəriyyə əməliyyatı olunub. Həkimlərin sözlərinə görə, zahı qadında nadir qan xəstəliyi olub və o, inkişaf prosesində olub.

    Ancaq mərhumun yaxınları həkimlərə inanmırlar və onlar vəkilə müraciət edərək müstəqil ekspertizanın keçirilməsini tələb edirlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi