Rusiyada avtobusun aşması nəticəsində yaralanan azərbaycanlıların sayı artıb - YENİLƏNİB

Rusiyada avtobusun aşması nəticəsində yaralanan azərbaycanlıların sayı artıb - YENİLƏNİB Mikroavtobusda 13 nəfər olub
Hadisə
1315
6 Yanvar , 2019 16:51
Rusiyada avtobusun aşması nəticəsində yaralanan azərbaycanlıların sayı artıb - YENİLƏNİB

Bakı. 6 yanvar. REPORT.AZ/ Rusiyanın Stavropol diyarında marşrut mikroavtobusun aşması nəticəsində yaralanan Azərbaycan vətəndaşlarının sayı 8 nəfərə çatıb.

“Report” xəbər verir ki, bu barədə Rusiya Federasiyası Daxili İşlər Nazirliyinin Baş Yol Təhlükəsizliyi İdarəsinin əyalət üzrə idarəsi məlumat yayıb.

"Onların hamısı Levokumski və Budennovski rayonlarının tibb müəssisələrinə çatdırılıblar, orada yaralılara lazımi tibbi yardım göstərilir", - deyə məlumatda bildirilir.


***13:35:

Bakı. 6 yanvar. REPORT.AZ/ Rusiyanın Stavropol diyarında Azərbaycan vətəndaşlarını daşıyan mikroavtobus aşıb.

“Report” RİA "Novosti"yə istinadən xəbər verir ki, bu barədə Rusiya Fövqəladə Hallar Nazirliyinin region üzrə Baş İdarəsi məlumat yayıb.

"Saat 10.45-də (Bakı vaxtı ilə 11:45) Levokumski kəndinin 1 kilometrliyində Bakı-Moskva marşrutu ilə Azərbaycan vətəndaşlarını daşıyan "Mercedes" markalı marşrut mikroavtobusunun aşması barədə məlumat daxil olub", - deyə məlumatda bildirilir.

Qeyd olunur ki, mikroavtobusda 13 nəfər olub:

"İlkin məlumata görə, 6 nəfər yaralanıb. Xəsarət alanlar Levokumski rayon xəstəxanasına aparılıb. Yanğın olmayıb, yol bağlanmayıb".

Son xəbərlər

Orphus sistemi