Yuxarı

Rusiyada 18 yaşlı azərbaycanlı oğurlanıb

İnsident aprelin 23-ü axşam saatlarında baş verib

Bakı. 25 aprel. REPORT.AZ/ Aprelin 23-də Sankt-Peterburqda Azərbaycan vətəndaşının oğurlanması ilə nəticələnən insident baş verib.

"Report" "Operativnoe prikrıtie" nəşrinə istinadən xəbər verir ki, axşam saatlarında Budapeşt küçəsi, ev 49-da yerləşən bukmeker kontoru qarşısında münaqişə baş verib və təqribən on nəfər Özbəkistan vətəndaşı 18 yaşlı azərbaycanlını oğurlamağa cəhd göstərib.

"Kişilər onu küçəyə çıxardaraq Peterburq nömrə nişanlı ağ rəngli "Hyundai Solaris" markalı avtomobilin baqajına salıblar. Sonra maşın Slavı prospekti istiqamətində hərəkət edib", - deyə məlumatda bildirilir.

"Oğurlanan" şəxs çağırışla hadisə yerinə gələn polis əməkdaşlarına insidentin bitmiş hesab olunduğunu bildirib. Gənc oğlanın sözlərinə görə, onu söhbət etmək üçün "avtomobilin arxa oturacağında əyləşdiriblər" və o daha sonra maneəsiz olaraq avtomobildən düşüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi