Yuxarı

​Rusiyada kütləvi dava: azərbaycanlı yerli sakini qətlə yetirib

Bıçaqlanma hadisəsi gecə klubunda düşən mübahisə zamanı baş verib

Bakı. 18 yanvar. REPORT.AZ/ Ötən gün səhər saatlarında Tatarıstanın Naberejnıe Çelnı şəhərində yerləşən "Galaxy" gecə klubu yaxınlığında ölümlə nəticələnən bıçaqlanma hadisəsi qeydə alınıb.

"Report"un Rusiya mətbuatına istinadən verdiyi xəbərə görə, müəyyən edilib ki, münaqişə kluba gələn üç yerli sakin və yeddi azərbaycanlı arasında baş verib.

Klubda düşən mübahisə kənarda davam etdirilib. Dava zamanı iştirakçılardan biri bıçaq çıxardaraq rəqiblərinə zərbə endirməyə başlayıb. Nəticədə 32 yaşlı yerli sakin boynundan aldığı bıçaq zərbəsindən dünyasını dəyişib. Onun digər iki yoldaşı isə kəsilmiş-deşilmiş yaraları ilə xəstəxanaya çatdırılıb.

Azərbaycanlılar taksiyə minərək hadisə yerindən uzaqlaşıblar.

İlkin məlumata görə, öldürülən şəxs digər klubda mühafizəçi işləyib.

Faktla bağlı cinayət işi qaldırılıb. İstintaq gedir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi