Rəhim Qazıyevə 10 sutka həbs cəzası verilib

Rəhim Qazıyevə 10 sutka həbs cəzası verilib Bakı. 26 dekabr. REPORT.AZ/ Azərbaycanın keçmiş müdafiə naziri Rəhim Qazıyevə 10 sutkalıq həbs cəzası verilib.
Hadisə
1369
26 Dekabr , 2017 17:08
Rəhim Qazıyevə 10 sutka həbs cəzası verilib

Bakı. 26 dekabr. REPORT.AZ/ Azərbaycanın keçmiş müdafiə naziri Rəhim Qazıyevə 10 sutkalıq həbs cəzası verilib.

Bu barədə "Report"a onun dostu, "Xural" qəzetinin baş redaktoru Əvəz Zeynallı bildirib.

Onun sözlərinə görə, R.Qazıyev Binəqədi Rayon Polis İdarəsinin müvəqqəti saxlanma təcridxanasına aparılıb.

R.Qazıyevə qarşı hansı ittihamın irəli sürüldüyü məlum deyil.

Xatırladaq ki, R.Qazıyev ötən gün Nərimanov Rayon Polis İdarəsinin 17-ci Polis Bölməsinin əməkdaşları tərəfindən saxlanılıb.

Qeyd edək ki, R.Qazıyev 1992-ci ilin martından 1993-cü il fevralına qədər Azərbaycanın müdafiə naziri vəzifəsində çalışıb. O, 1993-cü ildə Şuşanın işğalında və vətənə xəyanətdə ittiham edilərək barəsində ölüm hökmü çıxarılıb. Sonradan ölüm cəzası ömürlük həbslə əvəz edilib. 2005-ci ildə isə R.Qazıyev əfv fərmanı ilə azadlığa buraxılıb.

Son xəbərlər

Orphus sistemi